عدد الزوار الكلى : 398183
8
يونيو
2021
( الغربيل ) الشاعر مهدي السوداني / البصرة
نشر منذ 4 يوم - عدد المشاهدات : 44

     ولك هاي شلون وادم ،،

               كل شي وياهم عَرك

     لا هُم إسلام إعله صفحه

                و لا يشبهون الشُرك

     أوياك صحبتهم أمحايل

             و متى أيعجبه أتنكَّرك

     و كون أله مصلحه يمك

             صار أخوك و عاشرك

     يعلسونك و أنته تركض

                 يحزّوون أبمنحرك

     أتقدم ألهم شحم عينك

                ما أيگولون أشكرك

     أبسيم ناعم غربلتهم ،،

               سگط نصهم للدَرك

     أتعجَّب الغربیل منهم

                گللي خلّص بیدرك

     گتله : یا غربیل أدري

             و خل أسرّك وأخبرك

     تره مو بس همُّه هیچي ،،

            حتى أخوك أيقشمرك


صور مرفقة






أخبار متعلقة
مشاركة الخبر
التعليق بالفيس بوك
التعليقات
تابعنا على الفيس بوك
التوقيت الان
استطلاع رأى

عدد الأصوات : 0

أخبار
top