عدد الزوار الكلى : 2801244
3
يناير
2019
رد بينه لايام الصبه .... الشاعر سعيد الزيدي/ بغداد
نشر منذ 8 شهر - عدد المشاهدات : 180

رد بينه لايام الصبه

خلينه نفرح دوم

لبّسنه ثوب الفرح

نتشابگ گمر ونجوم

يازمن لاتلح بعد

وتشربنه كاس هموم

دنيانا بيه القهر

نگعد نطيح إنگوم

ومكاون وي الوكت

حوم التعب ويحوم

نذّكر إلي مضه

أمنه وأبونه هدوم

وعرّانا حيل الدهر

وليل السهر ملچوم

يحاصرنا هوه الحزن

جروح وتزخّ إدموم

وانكسر هذا الگلب

بحسراته ظل مالوم

مثل الطيور وتهج

بوحشة غروب إسموم

تحضنّا ريح الشجن

تشمرنه من غيوم

لوحة حزن ياگلب

فرشة دمع وإرسوم

رد بينه لايام الصبه

خلينا نفرح دوم!!!!!

 

 


صور مرفقة






أخبار متعلقة
مشاركة الخبر
التعليق بالفيس بوك
التعليقات
تابعنا على الفيس بوك
التوقيت الان
استطلاع رأى

عدد الأصوات : 0

أخبار
top