عدد الزوار الكلى : 1612999
12
يونيو
2018
عطر الورد"....شعر :عبدالامير الديراوي / البصرة
نشر منذ 4 شهر - عدد المشاهدات : 123

 الورد ينطي العطر للناس

ومن يذبل يسلم للمحب لونه
اكو من يحتفي بالوردة يوم، اثنين
ومن تذبل تظل عالحيط مركونه 
اهي الدنيه صفت لليشتري
ويبيع
واليحب من صدك فتره ويبيعونه 
الحب راح وكته ولا تجيبه براي
من قيس انتهه وليلته المجنونه 
اهن هسه البنات يحبن المليان
خيعونه شكثر محبوب خيعونه
ياوسفه الورد سعره نزل
بالسوك 
وظل الشوك بالغالي يسومونه 
جاوين التعب وين السهر والضيم 
وذاك ارباك كله بساع ينسونه
وكتنه اندار لو هيه النفوس تدور
يبور الزين والما دون يشرونه 
ياذلة عمر كضيته ويه احباب 
كلت وياك كل العمر يكضونه
شفت من اخذوا الرادوه تالي اشصار
بمجانك كعد ذاك اللي يردونه 
وانت شما كلت وسفه شيفيد الكول 
وشيثمر بعد هالدنيه ملعونه 
راح ابجاك كله وحسرتك والآه
وخلي حجايتك بالكلب مدفونه 
شفته شوف عينك مشبك ويه هواه
واشكال الصور مليان ايفونه
لا تهوى بعد حته البخت باعوه
والباطل كلب عل الصدك ماعونه

2018

 


صور مرفقة






أخبار متعلقة
مشاركة الخبر
التعليق بالفيس بوك
التعليقات
تابعنا على الفيس بوك
التوقيت الان
استطلاع رأى

عدد الأصوات : 0

أخبار
top